കവന്‍ട്രി: ഭാരതീയ നൃത്ത രൂപങ്ങളിലെ എട്ടു വിഭാഗത്തിലും ഏറ്റവും വശ്യതയാര്‍ന്ന നടനമാണ് മോഹിനിയാട്ടം എന്നത് തര്‍ക്കിക്കേണ്ട കാര്യമേയല്ല. പക്ഷെ പതിനാറാം നൂറ്റാണ്ടില്‍ ദേവദാസികള്‍ വ്യാപകമായി ഉപയോഗിച്ചിരുന്ന ഈ നൃത്ത രൂപം അല്‍പം ശരിയല്ലെന്ന് തോന്നിയ വൈദേശിക ഭരണാധികാരികളായ ബ്രിട്ടീഷ് സായിപ്പിന്റെ അല്‍പ ജ്ഞാനത്തില്‍ ഏറെക്കാലം നിരോധിക്കപ്പെട്ട നടന രൂപം എന്ന വിശേഷണവും മോഹിനിയാട്ട ചരിത്രത്തില്‍ ഉണ്ട്.
ഏതു ജനതയെയും നിശ്ശബ്ദരാക്കാന്‍ അവര്‍ക്കു മേല്‍ സാംസ്‌കാരിക അധിനിവേശമാണ് ഏറ്റവും ശക്തമായ ആയുധം എന്ന തിരിച്ചറിവും ഇംഗ്ലണ്ടില്‍ നിന്നും ഇന്ത്യയില്‍ എത്തിയ സായിപ്പിനുണ്ടായതാണ് മോഹിനിയാട്ടം ഉള്‍പ്പെടെയുള്ള കലാരൂപങ്ങള്‍ക്കു വിലക്കുണ്ടാക്കിയത്. പിന്നീട് സ്വതന്ത്ര ഭാരതത്തിലാണ് ഈ കലാരൂപങ്ങള്‍ വീണ്ടും കരുത്തുനേടി ജനപ്രിയമായത്. ഇത്തരത്തില്‍ കേരളത്തിന് വേണ്ടി മാത്രമായി രൂപമെടുത്ത കലാരൂപമാണ് മോഹിനിയാട്ടം എന്നും വിശേഷിപ്പിക്കാം. മഹാകവി വള്ളത്തോള്‍ നാരായണ മേനോന്റെ നേതൃത്വത്തിലാണ് ഈ കലാരൂപം വീണ്ടും ജീവന്‍ വച്ച് ജനകീയമായത്.
ഏകദേശം തൊണ്ണൂറു വര്‍ഷം മുന്‍പ് ബ്രിട്ടീഷുകാരന്‍ നിരോധിച്ച നൃത്തരൂപം വീണ്ടും അവരുടെ മണ്ണില്‍, അവര്‍ കൂടി കാണികളായ സദസ്സിലാണ് ഇത്തവണ അവാര്‍ഡ് നൈറ്റില്‍ മോഹിനിയാട്ടത്തിന്റെ മനോഹാരിത ഇതള്‍ വിടര്‍ത്തുക എന്ന പ്രത്യേകത കൂടിയുണ്ട്. പതിനായിരത്തോളം ജീവനക്കാര്‍ ജോലി ചെയ്യുന്ന കവന്‍ട്രി യൂണിവേഴ്സിറ്റി ഹോസ്പിറ്റലില്‍ നിന്നും ഏതാനും ബ്രിട്ടീഷ്, ഫിലിപ്പീന്‍സ് വംശജര്‍ ഇത്തവണ അവാര്‍ഡ് നൈറ്റ് ആസ്വദിക്കാന്‍ എത്തുന്നുണ്ട് എന്നാണ് വിവരം. തങ്ങളുടെ പൂര്‍വികര്‍ നിരോധിച്ച ഒരു നൃത്തരൂപമാണ് കണ്‍മുന്നില്‍ നിറഞ്ഞാടുന്നത് എന്ന ചരിത്ര സത്യം അറിയാതെയാകും ഇവരില്‍ പലരും മോഹിനിയാട്ടത്തിനു മുന്നില്‍ കാഴ്ചക്കാരായി എത്തുക എന്നതും കൗതുകമുണര്‍ത്തുന്ന വസ്തുതയാണ്.
.jpg)
ഇന്ന് മലയാളിയുടെ ഗൗരവമുള്ള ഏതു ആഘോഷവേദിയിലും മോഹിനിയാട്ടം ആദരിക്കപ്പെടുന്ന കലാരൂപം കൂടിയാണ്. ശാസ്ത്രീയ നൃത്തങ്ങളുടെ നടവഴികളില്‍ ഭരതനാട്യത്തില്‍ ഏറെപ്പേരുടെ ശ്രദ്ധ കിട്ടുമ്പോഴും ശാലീന സുന്ദരിയായ മോഹിനിയാട്ടം അല്‍പം ഓരം ചേര്‍ന്ന് നില്‍ക്കുകയാണ്. ഒരുപക്ഷെ ഭരത നാട്യത്തിനു ദക്ഷിണ ഇന്ത്യയില്‍ എങ്ങും ശക്തമായ വേരുകള്‍ ഉള്ളതും മോഹിനിയാട്ടം കേരളത്തില്‍ മാത്രം ഒതുങ്ങിപ്പോയതുമാകും ഈ മനോഹര നൃത്തത്തിന് കൂടുതല്‍ ജനസമ്മതി പുറം നാടുകളില്‍ ഇല്ലാതാകാന്‍ കാരണമായത്.അതിനാല്‍ തന്നെ നൃത്തത്തില്‍ ഏറ്റവും ഗൗരവം നല്‍കുന്നവരാണ് സാധാരണ മോഹിനിയാട്ടം വേദിയില്‍ അവതരിപ്പിക്കുക. കഴിഞ്ഞ എട്ടു അവാര്‍ഡ് നൈറ്റുകളിലും പ്രൊഫഷണല്‍ നര്‍ത്തകര്‍ ഏറ്റെടുത്ത മോഹിനിയാട്ട വേദി ഇത്തവണ കൈക്കലാക്കിയിരിക്കുന്നത് ഷേക്സ്പിയറിന്റെ നാടായ വാര്‍വിക്കിലെ ലെമിങ്ടന്‍ സ്പായിലെ റോഷ്നി നിശാന്താണ്. തൃശൂര്‍ കലാക്ഷേത്രയുടെ പുത്രിയായ റോഷ്നി നിഷാന്ത് ബ്രിട്ടനില്‍ നൃത്തപരിശീലനം നല്‍കാന്‍ ഉള്ള ഒഫാല്‍ സേര്‍ട്ടിഫൈഡ് നര്‍ത്തകി കൂടിയാണ്.
പ്രണയ വിവശയായ രാധ തന്റെ ഇഷ്ടം കൃഷ്ണനെ അറിയിക്കാന്‍ സഖികളുടെ സഹായം തേടുന്നതും പ്രണയ കുറിമാനം നല്‍കിയ ശേഷം അതിനു ഭഗവാന്റെ മറുപടി എന്താണ് എന്നറിയാന്‍ നടത്തുന്ന സല്ലാപവുമാണ് റോഷ്‌നിയുടെ മോഹിനിയാട്ടത്തിന്റെ ഇതിവൃത്തം. ഏറെ രസകരവും വശ്യവുമായ ഈ നടനരൂപം അതിന്റെ പൂര്‍ണത ഒട്ടും ചോര്‍ന്നു പോകാതെ അവതരിപ്പിക്കാന്‍ ഉള്ള ശ്രമത്തിലാണ് ഷേക്‌സ്പിയര്‍ കൗണ്ടിയായ വാര്‍വിക്കിലെ ലെമിങ്ങ്ടണില്‍ താമസിക്കുന്ന ഈ നര്‍ത്തകിയിപ്പോള്‍. ലെമിങ്ങ്ടണിലെ പുതു തലമുറയ്ക്ക് നൃത്ത പരിശീലനം നല്‍കുന്ന റോഷ്നി ഐ ബി എം ബാംഗ്ലൂരിലെ ഫങ്ക്ഷണല്‍ മാനേജര്‍ ജോലി ഉപേക്ഷിച്ചാണ് യുകെ മലയാളി ആയിരിക്കുന്നത്. മികച്ച പാട്ടുകാരന്‍ കൂടിയായ ഭര്‍ത്താവ് നിഷാന്ത് കൂടി ചേരുമ്പോള്‍ പൂര്‍ണമായും കലാര്‍പ്പണം ചെയ്യുകയാണ് ഈ കുടുംബം.
നൃത്തത്തിന്റെ നാള്‍ വഴി ചിട്ടകളില്‍ നിന്നും കടുകിട മാറാത്ത നടന വൈഭവം കൂടിയാണ് രോഷ്‌നിയുടെ പ്രത്യേകത. കലര്‍പ്പില്ലാത്ത ശുദ്ധ നടനത്തിന്റെ മനോഹാരിത ഒരിക്കല്‍ കൂടി ബ്രിട്ടീഷ് മലയാളി അവാര്‍ഡ് നൈറ്റില്‍ എത്തുമ്പോള്‍ കാണികള്‍ക്ക് സുന്ദര മുഹൂര്‍ത്തങ്ങള്‍ ഇത്തവണയും നഷ്ടമാകില്ലെന്നു ഉറപ്പിക്കാം. കവന്‍ട്രിക്ക് അടുത്ത പട്ടണമായ ലെമിങ്ങ്ടണില്‍ റോഷ്‌നിയുടെ കൂട്ടുകാരും ഇപ്പോള്‍ ആവേശത്തിലാണ്. തങ്ങളുടെ കൂടി പങ്കാളിത്തം ഉണ്ടായതോടെ അവാര്‍ഡ് നൈറ്റ് ആഘോഷമാക്കാന്‍ തന്നെയാണ് വാര്‍വിക്. ലെമിങ്ടന്‍ നിവാസികളുടെ തയ്യാറെടുപ്പ്. ഇവരോടൊപ്പം നനീട്ടന്‍, റഗ്ബി പ്രദേശത്തെ മലയാളികള്‍ കൂടി ചേരുമ്പോള്‍ കവന്‍ട്രിയില്‍ ആഘോഷം പൊടിപാറിക്കാന്‍ നാട്ടുകാരും വിരുന്നുകാരും മത്സരിക്കുന്ന കാഴ്ച കൂടി കാണേണ്ടി വരും.
ജൂണ്‍ ഒന്നിന് കവന്‍ട്രിയിലെ വില്ലന്‍ ഹാളിലാണ് ഇത്തവണത്തെ അവാര്‍ഡ് നൈറ്റ് നടക്കുക. ബ്രിട്ടീഷ് മലയാളി അവാര്‍ഡ് നൈറ്റിന് മാത്രമല്ല യുകെയിലെ സര്‍വ പരിപാടികളുടെയും മുഖ്യ സ്‌പോണ്‍സറായി അലൈഡ് മോര്‍ട്ട്‌ഗേജ് സര്‍വ്വീസസ് ആദ്യമായി എത്തുന്ന പരിപാടി എന്ന സവിശേഷത കൂടിയുണ്ട് ഇതിന്.
(1).jpg)
യുകെയിലെ ഏറ്റവും പ്രശസ്തരായ കലാകാരന്മാര്‍ക്കൊപ്പം നാട്ടില്‍നിന്നുള്ള പ്രൊഫഷണല്‍ കലാകാരന്മാരും ചേര്‍ന്നായിരിക്കും ഇക്കുറി അവാര്‍ഡ് നൈറ്റ് ഒരുക്കുക. ഇതോടൊപ്പം പതിവ് പോലെ ഈ വര്‍ഷം യുകെ മലയാളികളില്‍ ഏറെ സ്വാധീനം ചെലുത്തിയ വാര്‍ത്ത താരം, യുവ പ്രതിഭ, മികച്ച മലയാളി നഴ്‌സ് എന്നിവര്‍ക്കുളള പുരസ്‌കാര വിതരണവും ഉണ്ടാകും.
അവാര്‍ഡ് നൈറ്റ് വേദിയുടെ വിലാസം
Willenhall, Coventry, CV3 3FY
- ആഘോഷത്തിന്റെ ചന്ദന മണിവാതില്‍ തുറക്കാന്‍ എത്തുന്നത് ജി വേണുഗോപാല്‍; സൂപ്പര്‍ഹിറ്റ് ഗാനങ്ങള്‍ പാടി മലയാളി മനസില്‍ കൂടു കൂട്ടിയ ഗായകന്‍ മൂന്നാഴ്ചക്കിടെ യുകെയിലേക്ക് എത്തുന്നത് രണ്ടാം വട്ടം; അവാര്‍ഡ് നൈറ്റിലേക്ക് വരുന്നത് ആടിപ്പാടാന്‍ തന്നെ
- അറേബ്യന്‍ നൃത്ത ചാരുതയുമായി ഗ്ലോസ്റ്റര്‍ ടീം; സിനിമാറ്റിക് ഡാന്‍സിന്റെ വര്‍ണപ്രപഞ്ചം ഒരുക്കാന്‍ സ്റ്റോക് ഓണ്‍ ട്രെന്റും; കാഴ്ചകളുടെ വസന്തം തീര്‍ത്ത് ഇക്കുറിയും അവാര്‍ഡ് നൈറ്റ് പൂത്തുലയും
- ഫ്യൂഷ്യന്‍ ബോളിവുഡുമായി ശ്രുതി;നിത്യഹരിത ഗാനങ്ങളുമായി ഡെന്നായും ടെസ്സയും; ഇത്തവണ യാങ് ടാലന്റ് ഫൈനലിസ്റ്റുകള്‍ രണ്ടും കല്‍പ്പിച്ചു തന്നെ; ആരാണ് മിടുക്കരെന്നു നേര്‍ക്ക് നേര്‍ പോരാട്ടം ജൂണ്‍ ഒന്നിന്
- നൃത്തവും പാട്ടും ചിരിയും നിറഞ്ഞ അവാര്‍ഡ് നിശക്ക് ആവേശം പകരാന്‍ അതിഥികള്‍ കേരളത്തില്‍ നിന്നെത്തും; ജൂണ്‍ ഒന്നിനെ വിസ്മയിപ്പിക്കാന്‍ 80 ഓളം നര്‍ത്തകര്‍; 20ലേറെ മനം മയക്കും നൃത്തങ്ങള്‍; ആറു മണിക്കൂര്‍ നീളുന്ന ഉത്സവ കാഴ്ചകള്‍; ആവേശമുയര്‍ത്തി ന്യൂസ് പേഴ്‌സണ്‍ വോട്ടെടുപ്പ് കലാശക്കൊട്ടില്‍
- മലയാളത്തിന്റെ മധുരവും മണവുമായി നര്‍ത്തക സംഘങ്ങള്‍; ഹിപ് ഹോപ്പിന്റെ മാന്ത്രികത സൃഷ്ടിക്കാന്‍ യുവ സംഘം; ചിത്ര ലക്ഷ്മിയും നൈസും നേര്‍ക്ക് നേര്‍ എത്തുന്ന അവാര്‍ഡ് നിശ ഇത്തവണ നര്‍ത്തക സംഘങ്ങള്‍ തമ്മിലുള്ള വാശിയേറിയ പോരാട്ട വേദിയായി മാറും; കവന്‍ട്രിയില്‍ ഒരുക്കങ്ങള്‍ അവസാന ഘട്ടത്തില്‍
- വഞ്ചിപ്പാട്ടിന്റെ തുഴയെറിഞ്ഞു ചിത്രാലക്ഷ്മിയും സംഘവും സ്വാഗതമോതും; ഇത്തവണ തുടക്കം മുതല്‍ ആവേശക്കടല്‍ സൃഷ്ടിക്കാന്‍ തയ്യാറെടുത്തു നര്‍ത്തകര്‍; സ്വാഗത നൃത്തത്തിന് ചടുലചലനവുമായി ക്രോയ്ഡോണ്‍ സുന്ദരിമാര്‍; വിദ്യ വോക്‌സിന്റെ ഈണം നൃത്തച്ചുവടുകളുമായി യുകെ മലയാളികള്‍ക്കിടയിലേക്ക്
- മോഹന്‍ലാലിനു സ്വാഗതമേകിയ നൃത്തവുമായി നൈസിന്റെ ഡ്രീം ടീം; അവാര്‍ഡ് നൈറ്റിനെ മായാ ലോകമാക്കാന്‍ നാലു നൃത്തങ്ങളുടെ അവകാശമുറപ്പിച്ചു യുവ സംഘം; ഞങ്ങളില്ലാതെ എന്താഘോഷമെന്നു യുകെയിലെ ഏറ്റവും പ്രൊഫഷണല്‍ നര്‍ത്തക സംഘം
- ഫ്യൂഷന്‍ നൃത്തങ്ങളുടെ തമ്പ്രാട്ടിമാര്‍ കവന്‍ട്രിയിലേക്ക്; റെഡ്ഡിങ് ടീമിന് ചുക്കാന്‍ പിടിക്കുന്നത് മഞ്ജുസുനില്‍; വേറിട്ട ശൈലിയില്‍ 12 മിനിറ്റിലെ ദൃശ്യാനുഭവം; ഇത് പ്രൊഫഷണല്‍ പെണ്‍കരുത്ത്; സുന്ദരിയായ പെണ്‍മയിലായി തമിഴ്നാടന്‍ നൃത്തവും തില്ലാനയും അവാര്‍ഡ് നൈറ്റില്‍
ChnsS sImSp¡pó A`n{]mb§Ä {_n«ojv aebmfnbptSXñ. tkmjyð s\ähÀ¡v hgn NÀ¨bnð ]s¦Sp¡póhÀ AÇoetam aX \nµtbm A]IoÀ¯nIctam \nbahncp²tam Bb A`n{]mb§Ä t]mÌv sN¿póXv ssk_À \nba{]Imcw in£mÀlamWv- þ FUnäÀ
Click here to type in malayalam
