കൊളംബോ: ലങ്ക പ്രീമിയര്‍ ലീഗിന്റെ പ്രഥമ സീസണ്‍ മുന്നേറവെ അഫ്ഗാനിസ്ഥാന്റെ യുവതാരവുമായി കൊമ്പു കോര്‍ത്ത് പാക്കിസ്ഥാന്റെ വെറ്ററന്‍ താരം ഷാഹിദ് അഫ്രീദി. 21കാരനായ അഫ്ഗാന്റെ യുവതാരം നവീന്‍ ഉള്‍ ഹഖുമായി കോര്‍ക്കുന്ന അഫ്രീദിയുടെ വീഡിയോ സോഷ്യല്‍ മീഡിയയില്‍ വൈറലായിരിക്കുകയാണ്. ലങ്കന്‍ പ്രീമിയര്‍ ലീഗില്‍ അഫ്രീദിയുടെ ടീമംഗമായ പാക്കിസ്ഥാന്‍ താരം മുഹമ്മദ് ആമിറിനോട് മത്സരത്തിനിടെ മോശമായി പെരുമാറിയതിനാണ് നവീന്‍ ഉള്‍ ഹഖിനോട് അഫ്രീദി കയര്‍ത്തത്.
മത്സരത്തില്‍ അഫ്രീദിയുടെ നേതൃത്വത്തില്‍ ഇറങ്ങിയ ഗോള്‍ ഗ്ലാഡിയേറ്റേഴ്സ് നവീന്‍ ഉള്‍ ഹഖ് കളിക്കുന്ന കാന്‍ഡി ടസ്‌കേഴ്സിനോട് തോറ്റിരുന്നു. 25 റണ്‍സിനാണ് കാന്‍ഡി ടസ്‌കേഴ്സ് അഫ്രീദിയെയും സംഘത്തെയും വീഴ്ത്തിയത്. മറുപടി ബാറ്റിങ്ങിന് ഇറങ്ങിയ ഗോള്‍ ഗ്ലാഡിയേറ്റേഴ്സ് അവസാന ഓവറില്‍ വിജയത്തില്‍നിന്ന് 35 റണ്‍സ് അകലെയായിരുന്നു. അവസാന ഓവര്‍ ബോള്‍ ചെയ്ത നവീന്‍ ഉള്‍ ഹഖിനെതിരെ ആദ്യ പന്തില്‍ മുഹമ്മദ് ആമിര്‍ സിക്സര്‍ നേടിയതോടെയാണ് രംഗം വഷളായത്.
തൊട്ടടുത്ത പന്തില്‍ ആമിറിനെ ബീറ്റ് ചെയ്ത നവീന്‍ ഉള്‍ ഹഖ്, താരത്തിന് അടുത്തെത്തി എന്തോ പറഞ്ഞു. തുടര്‍ന്നുള്ള നാലു പന്തുകളില്‍നിന്ന് മൂന്നു റണ്‍സ് മാത്രം വിട്ടുകൊടുത്താണ് നവീന്‍ ഉള്‍ ഹഖ് ടീമിന് 25 റണ്‍സ് വിജയം സമ്മാനിച്ചത്. മത്സരം പൂര്‍ത്തിയാക്കി മടങ്ങുന്നതിനിടെ മുഹമ്മദ് ആമിര്‍ നവീനോട് പ്രതികരിക്കാന്‍ തുനിഞ്ഞതോടെ രംഗം വീണ്ടും വഷളായി. പിന്നീട് കാന്‍ഡി ടസ്‌കേഴ്സ് ടീമിലെ സഹതാരങ്ങളാണ് നവീനെ പിടിച്ചുമാറ്റിയത്.
മത്സരശേഷം എതിര്‍ ടീം താരങ്ങള്‍ക്ക് ഹസ്തദാനം നല്‍കുന്നതിനിടെ അഫ്രീദി നവീന്‍ ഉള്‍ ഹഖിനെ ചോദ്യം ചെയ്തു. താരങ്ങള്‍ പരസ്പരം അഭിവാദ്യം ചെയ്യുന്നതിനിടെ, നവീന്‍ ഉള്‍ ഹഖിനെ കാണുമ്പോള്‍ രോഷം പ്രകടിപ്പിക്കുന്ന അഫ്രീദിയുടെ വിഡിയോ വൈറലായി.
ChnsS sImSp¡pó A`n{]mb§Ä {_n«ojv aebmfnbptSXñ. tkmjyð s\ähÀ¡v hgn NÀ¨bnð ]s¦Sp¡póhÀ AÇoetam aX \nµtbm A]IoÀ¯nIctam \nbahncp²tam Bb A`n{]mb§Ä t]mÌv sN¿póXv ssk_À \nba{]Imcw in£mÀlamWv- þ FUnäÀ
Click here to type in malayalam
